السلام عليكم ورحمة الله وبركاته
أحبتي يامن جمعني بكم هذا الصرح لكم ما سبق وهاكم ما أشعر
تفكرين ما أقدر أسوي سواتج ؟
وأعجز أبين قوتي في محلها؟
والله أقدرحتى أنسف حياتج
يا ماشيه درب الزلق من أملها
جازيتج الإحسان ولاهي جزاتج
إتي جزاتج نفس ضايع أصلها
ماجيت أسترجي ترفعي عصاتج
جيتج بنفسي إلي محبه وصلها
وإن كان دمعج ينحدر من سكاتج
أنا جفوني منج دمعي ذبلها
ما أجهل أطباعج وأعرف صفاتج
نفسج وسط هالكون تنشد محلها
تبغين تنهيني؟ وهذي مناتج !
تبغين هذي النفس يوصل أجلها ؟
تدرين ؟ روحي بعيد شبعي بحياتج
النفس طابت كافياً ما وصلها
ياما أنحدر دمعي يرجي عطاتج
ما شفت من لوعود إلا فشلها
يا سارحه بالكون ذكري مماتج
لو غابت أنفاسج وشينه فعلها
شنهو الجواب يكون معنى حياتج؟
يوم الحشر والناس تعرض عملها
هذي النصيحه لج هديه لهداتج
دنيتنا ما تسوى نظلم أهلها
وأنا أنظلمت أمرار مكثر هباتج
كنج صحاري الكون وآنه جملها
اللهُ أكبر والنفس من سواتج
صارت تشوف الموت غايت أملها
الحبر الجاف
الأربعاء سبتمبر 12, 2012 2:44 pm