السلام عليكم ورحمة الله
الهم وسط القلب والراس شايب
والعمر ضايع والمآسي كبيره
الله يا مقساك من حظ عايب
والنبض غير الله منهو يجيره
ياما انصدم قلبي والظن خايب
كلما نويت اتلقرب طعني بهجيره
ياقلبي لا تحزن ترى السهم صايب
وسط الضلع ودموم تجري غزيره
ما يرحمك إنسان ماهو بتايب
كلما عتبت وقلت زاد بغديره
يارب ساعدني اطرد هبايب
كلمامست لأيام شفته ينيره
ياما ندهته وين لكنه غايب
ما يدري هذا النبض ضيق مريره
النوم بعونه ومعاه الحبايب
وعيني انا من الدمع صارت ضريره
الفرح ما شفته والهم صايب
والحزن ما شافه وعينه قريره
أمشي وسط لأيام فوق اللهايب
ما شفت إنسانه لنفسي نصيره
قضيت طول الليل أجهل سبايب
وأتقلب بدمعه ونفسي كسيره
بان الصبح والشمس فاقت سحايب
والكون مو بيدي ربي يديره
يا راحم المسكين رب الطلايب
أرحم خفوق إنسان نفسه بعسيره
الحبر الجاف
الجمعة سبتمبر 07, 2012 2:14 pm